Kunstutstilling Metamorphose

Skåneviksbuen, menneskjer frå bygda sitt nærområde og festivalbesøkande er svært positive til utstillinga og gjev utstillarane ei stor og inspirerande kraft til å halda fram med den kollektive kunstutstillinga i den nedlagte sardinfabrikken i Skånevik. Den har i ca. 100 år vore hjørnesteinverksemda i bygda, men dørene stengte for sardinproduksjon den 30. april 2001. Ved å bruka fabrikken til utstillingslokale gjev ein ny kraft til dei tomme romma i fabrikken. Lokaler som i seg sjølv har veldig mykje historie og som er ei utfordring for utstillarane.

Vi ser på Skånevik som ein ideell stad å halda utstilling. Her kjem det tilreisande frå heila landet og dei unge kunstnarane, som er i etableringsfasen, får vist fram sitt kunstneristiske virke til eit stort mangfald av mennesker. Den er og med på å marknadsføra bygda og kommunen som ein kreativ stad i kunststudent-miljøet i Noreg og London. Målet er og at nokon av kunstnarane vil venda tilbake til Skånevik og laga noko av arbeidet sitt i bygda og gjerne om bygda.

Dei unge kunstnarane kjem frå tre av verdskontinenta: Asia, Latin Amerika og Europa. Gjennom utstillinga skal dei 13 deltakarane bu i eit privateigd hus i Skånevik sentrum, og her blir det knytta band mellom dei forskjellige kunstnarane og deira kunstnaristiske virke i framtida.

Les meir på www.skaanevik.no